وبلىستىق مۋزەيدە «الاش» پارتياسىنىڭ 100 جىلدىعىنا ارنالعان «الاش. بوستاندىق حابارشىلارى» اتتى كورمە جۇمىس ىستەي باستادى.
«كورمە «الاش» پارتياسىنىڭ جۇمىسىمەن, ونىڭ العا قويعان ماقساتتارىمەن جانە مىندەتتەرىمەن تانىستىرۋ, جاس ۇرپاقتى بەلسەندى ازاماتتىق تۇرعىدا تاربيەلەپ, وتانسۇيگىشتىككە باۋلۋ, تاۋەلسىزدىگىمىزدىڭ قۇندىلىقتارىن ناسيحاتتاۋ ماقساتىن كوزدەيدى», دەيدى وڭىرلىك مۋزەي بىرلەستىگىنىڭ ديرەكتورى گۇلنارا مۇقىشەۆا.
كورمەنىڭ اشىلۋ سالتاناتىنا «نۇر وتان» پارتياسىنىڭ وكىلدەرى, ەڭبەك ارداگەرلەرى, عالىمدار, اسكەري ينستيتۋتتىڭ كۋرسانتتارى, جاستار قاتىستى.
«الاش» قازاق ۇلتتىق پارتياسىن قۇرۋ تۋرالى شەشىم ورىنبور قالاسىندا وتكەن ءى بۇكىلقازاق سەزىندە قابىلدانعان. ا.بايتۇرسىنوۆ, ءا.بوكەيحانوۆ, م.شوقاي, م.دۋلاتوۆ سەكىلدى ۇلتتىق قوزعالىس باسشىلارى قازاق مەملەكەتتىلىگىنىڭ نەگىزىن قالاپ, ۇيىمداستىرۋ جۇمىستارىمەن اينالىسقان. ساياسي ۇيىم باعدارلاماسىندا قازاقستاننىڭ اۆتونوميا بولۋى, جالپىلىق سايلاۋ قۇقىعى, ءسوز, باسىلىم بوستاندىعى, جەكە ادامنىڭ دەربەس پراۆولىلىعى, اگرارلىق ساياسات, تاعى باسقا كوپتەگەن ساياسي, ەكونوميكالىق, الەۋمەتتىك ماسەلەلەر قامتىلعان.
«الاش قوزعالىسى», «نەگىزىن قالاۋشىلار جانە يدەولوگتار», ء«ى-ءشى بۇكىلقازاق سەزى. «الاش» پارتياسىنىڭ قۇرىلۋى», ء«ىى بۇكىلقازاق سەزى», «الاش-وردا ۇكىمەتى», «سولتۇستىكقازاقستاندىقتار - «الاش» پارتياسىنىڭ مۇشەلەرى» تاقىرىپتارى بويىنشا فوتوقۇجاتتار, ماتەريالدار تاماشالاندى. الاشتىڭ اقيىق اقىنى م.جۇماباەۆ جايلى قۇندى جادىگەرلەر قويىلدى.
ء ومىر ەسقالي,
«ەگەمەن قازاقستان».
سولتۇستىك قازاقستان وبلىسى